जीवनापासून या, आता..........

जीवनापासून या, आता मला मुक्ती मिळावी

पूर्तता माझ्या व्यथेची, माझिया मृत्यूत व्हावी,
जीवनापासून या आता मला मुक्ती मिळावी.

वेदनेला अंत नाही, अन् कुणाला खंत नाही
गांजलेल्या वासनेची बंधने सारी तुटावी

संपली माझी प्रतीक्षा, गोठली माझी अपेक्षा
कापले माझे पंख लोचने आता मिटावी.

सोबती काही जीवाचे, मात्र यावे न्यावयाला
तारकांच्या मांडवाखाली, चिता माझी जळावी,

काय मी सांगू तुम्हाला, काय बोलू तुमच्याशी
राख मी झाल्यावर, गीते तुम्हाला माझी स्मरावी.......!!!